Gwybodaeth » Tai » Byw yn eich cartref newydd a'i gynnal » Diogelwch
- P'un ai eich bod yn byw ar eich pen eich hun neu gyda phobl eraill, rhaid cadw eich tŷ'n ddiogel er mwyn amddiffyn chi'ch hunan a'ch eiddo
- Dyma rai awgrymiadau ar gadw'n ddiogel yn eich cartref:
- Rhowch dwll sbïo yn eich drws ffrynt. Mae'n hawdd torri cadwyni diogelwch. Defnyddiwch y twll sbïo bob tro cyn ateb y drws. Byddwch yn wyliadwrus o alwadau ffug a gofynnwch i weld cerdyn adnabod cyn agor y drws. Mae rhagor o awgrymiadau ar osgoi ymwelwyr twyllodrus yn yr adran lincs isod
- Sicrhewch fod cloeon da a chryf ar bob drws a ffenest. Daw ladron trwy'r drws neu'r ffenestr mewn 80 o bob 100 lladrad
- Peidiwch byth â gadael y tŷ heb gloi pob drws a ffenestr yn dynn, hyd yn oed os ydych yn gadael y tŷ am ychydig o funudau yn unig
- Peidiwch â gadael pethau gwerthfawr, fel setiau teledu, cyfrifiaduron neu chwaraewyr DVD rhywle y gall lladron eu gweld trwy ffenest neu ddrws
- Peidiwch byth â gadael allweddi yn y clo. Hyd oed pan fyddwch yn eich cartref, rhowch yr allweddi lle na ellir eu cyrraedd o'r drws neu'r ffenest ac wedi'u cuddio
- Defnyddiwch farciwr diogelwch anweladwy i ysgrifennu'ch cod post ar eitemau gwerthfawr fel beiciau. Bydd gwneud hyn yn helpu'r heddlu eu hadnabod pe byddent yn cael eu dwyn
- Cadwch y goleuadau ymlaen pan fyddwch yn gadael y tŷ. Mae hyn yn creu argraff bod rhywun yn y tŷ
- Gosodwch larwm diogelwch
- Cadwch giatiau'r ardd, drws y garej a'r sied dan glo drwy'r amser
- Dychmygwch eich bod yn lleidr yn chwilio am ffyrdd i mewn i'ch tŷ a cheisiwch leihau'r siawns y bydd unrhyw un yn gallu torri mewn - trimiwch ganghennau sy'n agos at y ffenestri neu rhowch ddelltwaith (trellis) ar eich ffensys fel na all unrhyw un gerdded arnynt
- Peidiwch byth â gadael allweddi sbâr dan botiau, matiau neu ar ben ffrâm y drws. Mae lladron yn gwybod bod pobl yn gwneud hyn hefyd!
- Os ydych yn mynd i ffwrdd am gyfnod hir, canslwch y llaeth a'r papurau newydd a threfnwch fod eich cymydog yn casglu'ch post fel na fydd yn pentyrru. Peidiwch â gadael i'ch tŷ edrych yn ddiffaith
- Ymunwch â Chynllun Gwarchod y Gymdogaeth ('Neighbourhood Watch') a chadwch olwg ar dai eraill yn eich stryd a nodwch unrhyw ddigwyddiadau afreolaidd
- Os nad ydych yn teimlo'n ddiogel yn eich cartref, galwch gymydog neu ffrind sy'n byw'n agos a gofynnwch a allwch aros gyda nhw. Os credwch eich bod mewn perygl mawr, ffoniwch 999
