Gwybodaeth » Cyflogaeth a Hyfforddiant » Bod mewn Cyflogaeth » Iechyd a Diogelwch
- Mae yna gyfreithiau a rheoliadau sy'n diogelu'ch iechyd a'ch diogelwch tra'ch bod yn y gwaith.
- Mae gan bob cyflogwr ddyletswydd statudol i ofalu am iechyd a diogelwch ei holl weithwyr.
- Er enghraifft, mae yna reolau sy'n ymwneud â:
- glendid
- sŵn
- peiriannau
- codi a chario pwysau trwm
- sylweddau peryglus
- toiledau
- cyfleusterau ymolchi
- dŵr yfed
- cadeiriau
- cyfleusterau cymorth cyntaf
- tymereddau
- cyfrifiaduron
- oriau gweithio a seibiannau. Mae gan bron iawn bob gweithiwr hawl i beidio â gorfod gweithio mwy na 48 awr yr wythnos, ar gyfartaledd. Ni chaiff gweithwyr nos weithio am fwy nag wyth awr ar gyfartaledd, mewn unrhyw gyfnod o 24 awr. Mae gan weithwyr 18 oed a hŷn (gweithwyr sy'n oedolion) hawl i gael un diwrnod o'r gwaith bob wythnos. Mae gan weithwyr rhwng 16 ac 18 oed (gweithwyr yn eu glasoed) hawl i gael dau ddiwrnod o'r gwaith bob wythnos. Mae gan weithwyr sy'n oedolion hawl i gael un ar ddeg awr yn olynol o seibiant y dydd, ac o leiaf 20 munud o egwyl gorffwys os yw eu diwrnod gwaith yn hwy na chwe awr. Mae gan weithwyr yn eu glasoed hawl i gael 12 awr yn olynol o seibiant y dydd, ac o leiaf 30 munud o egwyl gorffwys os ydyn nhw'n gweithio mwy na phedair awr a hanner.
- Yr Awdurdod Gweithredol Iechyd a Diogelwch (HSE) yw'r sefydliad sy'n gyfrifol am orfodi cyfraith iechyd a diogelwch.
- Os ydych chi'n pryderu am iechyd neu ddiogelwch yn y gwaith, cysylltwch â chynrychiolydd iechyd a diogelwch yn eich gweithle, neu'r swyddog personél.
- Yn ôl y gyfraith, mae'ch cyflogwr yn gyfrifol am roi gwybod ichi am y camau sy'n cael eu cymryd i sicrhau'ch iechyd a'ch diogelwch.
- Yn ôl y gyfraith, mae'n rhaid ichi hefyd helpu'ch cyflogwr i ddarparu amgylchedd gweithio diogel.
Risgiau i weithwyr ifanc
- Mae'n ofynnol dan reoliadau a gyflwynwyd ym mis Mawrth 1997 (Rheoliadau Iechyd a Diogelwch (Pobl Ifanc) 1997) bod cyflogwr yn cynnal asesiad risg cyn cyflogi rhywun ifanc sy'n iau na 18 oed.
- Ystyrir bod gweithwyr ifanc yn enwedig yn agored i risg oherwydd eu diffyg profiad, y posibilrwydd nad ydyn nhw'n ymwybodol o risgiau sy'n bodoli neu risgiau posib i'w hiechyd a'u diogelwch, a'r posibilrwydd eu bod nhw'n anaeddfed.
