Gwybodaeth » Addysg » Addysg Ôl-16 » Chweched Dosbarth
- Os oes gan eich ysgol chi chweched dosbarth, efallai eich bod chi’n ystyried aros ymlaen.
- Byddwch chi mewn lle cyfarwydd gyda disgyblion ac athrawon rydych chi’n eu hadnabod eisoes.
- Bydd disgwyl ichi gymryd mwy o gyfrifoldeb drosoch eich hun a gosod esiampl i ddisgyblion iau.
- Fel rheol, byddwch chi’n parhau i wisgo gwisg ysgol, ond gall fod yn wahanol i’r wisg mae gweddill yr ysgol yn ei gwisgo.
- Mae chweched dosbarth yn cynnig ystod o gyrsiau Lefel UG a Safon Uwch mewn pynciau megis Hanes, Ffrangeg a Chemeg.
- Bydd ambell chweched dosbarth hefyd yn cynnig pynciau sy’n gysylltiedig â gwaith, megis Astudiaethau Busnes, Hamdden a Thwristiaeth neu Iechyd a Gofal Cymdeithasol.
- Mae rhai ysgolion hefyd yn cynnig cyrsiau lefel ganolradd ac mae’r mwyafrif hefyd yn caniatáu i ddisgyblion ailsefyll TGAU.
- Mae gan rai ysgolion drefniadau ag ysgolion neu golegau lleol eraill, felly maen nhw’n gallu cynnig dewis ehangach o gyrsiau ichi.
- Os oes arnoch awydd astudio yn y chweched dosbarth ond nid oes un yn eich ysgol chi, gallech chi symud i ysgol arall os yw o fewn pellter teithio.
Sut fedra i ddod i wybod mwy am y Chweched Dosbarth?
- Ewch i noson agored y chweched dosbarth
- Darllenwch y wybod aeth am gyrsiau ym mhrosbectws y Chweched Dosbarth neu edrychwch am wybodaeth am gyrsiau ar gyrfacymru.com http://www.careerswales.com/lcd/default.asp?page=LCD_GENERAL
- Siaradwch â’ch athrawon am y pynciau rydych chi’n ystyried eu hastudio
- Siaradwch â’ch Cynghorydd Gyrfa
- Siaradwch â myfyrwyr sydd eisoes yn y Chweched Dosbarth
